派對要化大眼妝！デカ目でパーティーに行こう！＠SOFINA彩形明眸眼影組合

各位同學，メリークリスマス〜！

今年BOXING DAY大家收到咩禮物呢？

聲些今年又收到SOFINA最新彩妝，真真多謝晒～^^

SOFINA招牌彩妝，梗係有EYE SHADOW彩形明眸眼影組合（後）、彩形持久水感唇膏（前左），同埋完美修護精華唇膏液（前右）啦。

至愛SOFINA隻LIP GLOSS，填得晒所有唇紋之餘，又夠水潤。仲加埋橄欖精華角鯊烯配方，講書講足6個鐘，都唔怕咀唇白晒甩皮架。

唇彩樽身今次仲加左個窗口仔，一睇就知剩番幾多。：）

新眼影顏色特別閃，隻隻加晒閃粉！今次我揀左565橙色系。

上下眼線繼續用疏乎里配方，就算眼邊容易泛油，都唔怕甩色，

唔怕融到成隻熊貓眼啦。

係人都想化出大眼，日文就叫「デカ目」。

到底呢期既日本大眼妝興咩呢？

除左指定動作：深色眼線加睫毛液，日本雜誌教路，最緊要識得打陰影！

響上眼瞼雙眼皮對上位置，用深色眼影劃條線（圖4），

雙眼皮睇落更明顯，眼仔自然大成倍啦。

我會將SOFINA眼影既3號同4號溝埋黎用，

雙眼皮SHADOW發色好自然，完全做到大眼效果！

上眼影手勢都要留意喎。

學雜誌咁做，由眼瞼中央再向左右刷過去，然後再由下而上劃成漸變色，

出黎眼妝就夠晒立體感。

近排日韓明星，不論男女，眼下面都好大個眼袋咁……唔通個個都唔夠瞓？

梗係唔係啦！呢隻叫做「臥蠶」，日文就叫「涙袋」（なみだぶくろ），有左佢，對眼睇落自然會更炯更水汪汪，笑起上黎表情睇落仲會更親切添！

用SOFINA眼影入面隻白色HIGHLIGHT，輕輕鬆鬆就做到水汪汪眼妝啦。

BOXING DAY派對前，少少地試試個效果先。

眼影比我想像中淺色呢……好處係唔怕一野就太深色，冇得救。

日頭返工LOOK，夜晚PARTY先再加深都未遲。

最滿意係5號既HIGHLIGHT色，成個臥蠶即刻出晒黎！

質地又夠貼，唔怕出油浮晒一點點，大推！

黎緊仲有咁多派對，2013年真係唔係講笑，有排閃啦～！（・▽ー）〜★

各位同學如果都想試試呢個疏乎里臥蠶妝，

就要盯實2013年1月1日，SOFINA最新彩妝發售啦！

慶祝出新書，一於修個甲。‧去御甲玩「CHIC PRINTS」

咦～咦？眨下眼原來又冇update blog大半年。

各位同學，聲些終於番黎啦喂。

做足成大半年冇停過，

廢話少講，一於去玩下先～。(*≧з≦)

話說夏天又到，又係hea住踢拖著涼鞋既季節。

今次我就被邀去銅鑼灣既「御甲」美甲店試新野。

普通甲油、Gel甲、Soak Off Gel，仲有乜野新野好玩先？

今次試呢隻，就係來自美國既CHIC PRINTS勒。

齋睇相，都知佢花款多多顏色鮮艷啦；佢仲有勁多金銀款，趁涼鞋又確係特別閃既，

連Beyonce、Rihanna同Lady Gaga都係佢fans黎架。

揀左大半個鐘，終於揀左呢款格仔pattern。

修甲姐姐仲相當好人，幫我mix＆match多隻金色貼紙，

襯埋就唔怕太花呢碌啦！

登登，禮成！

修腳連貼PRINT，個半鐘頭完工，

最開心係唔駛等甲油乾，著密頭鞋都可以修腳，真真方便。

貼紙可以足足keep個幾月，論盡如我，都冇刮花過D pattern，襟玩喎。

今年書展前，一於再去修多次先。（*｀▽´*）ｳﾋｮﾋｮ

御甲O'TSU'ME NAIL BEAUTY 

銅鑼灣駱克道507號2樓

2892 2840

咦～咦？去個書展遮，

駛唔駛修甲咁嚴重先？嘿嘿……

話晒今年書展，有我既第一本書，

《PEGGY先生の日語補完研究所》Vol. 1丫嘛～。(w´ω｀w)ﾎﾟｫｫ

鳴謝出版社上下仝人，連懶到出汁既聲些，

都可以響3個月內寫得起成本書，實在係超感激！(〃ﾉωﾉ)

各位學緊日文N5～N4既同學，

可能都係用緊《大家的日本語》呢本教科書。

聲些呢本書，正係響《大家的日本語》初級至進階4本書中，

抽出68個常見生字，再為同學詳細分析用法。

車，教科書入面都有寫解釋啦，駛鬼你講咩！

話說日文乃係相當曖昧既語言，原來好多詞語，都包含幾個意思架！

有經驗既日文老師，為免一口氣講太多意味令學生混淆，通常只會講最基本解釋；

不過學到有番咁上下，剩係知道一個字基本意思，就好容易會錯意架啦。

點樣會錯意？

響度暫時賣個關子……

想知既，就請各位同學自己去書店或書展，買番本睇下啦喂。(〃´ー｀人´ー｀〃)

二週間，帶住沙甸去旅行！‧LoBlography Hong Kong Challenge攝影比賽

好野好野，期待已久既12月旅行，卒之黎啦～！
下星期尾就起程。上星期六，立即快快手迎接我既旅行伴侶返屋企……
……佢係邊位？



登登登凳！就係我手上呢部沙甸魚菲林機 — La Sardina啦。（拍拍拍拍）

話說，先生靜雞雞參加左由Lomography Hong Kong舉辦既LoBlography Hong Kong Challenge攝影比賽，響眾多報名Blogger中，有幸被選中為10位參賽者之一。
響兩星期內，可以借走La Sardina番去，任影唔嬲；
期間，要將相片上載到Blog、微博，同Facebook專頁等等……
得到最多回覆既參賽者，就可以得到Lomo LC-A+ 相機勒！

Lomo LC-A+固然吸引，今次Lomo借出既La Sardina，亦係一部相當出色既Snap機。（詳情請瀏覽先生早前參加La Sardina發佈會既文章啦。）
到底，先生可唔可以抽中至愛既藍色沙甸呢？


之前已經響Lomo網站睇過幾位入圍參賽者名單（←強烈推介大家click入去欣賞），
佢地既Blog勁多靚相，水準奇高；
當日終於見到佢地真身，坐我隔離兩位，仲係今屆Form 7考生黎添！
讀書咁忙仲可以keep住影靚相，佩服，佩服啊！


未抽籤，先由Lomography代表Edwin，介紹Lomography歷史與拍攝理念。
有玩開Lomo既朋友，應該聽過佢既「10 Golden Rules」；
先生一向奉行「Don't think, just SHOOT!」主義，今次兩星期愉快旅程，一於好少理，喪影冇命賠。



講完歷史，終於到抽籤時間。
除左第一代限定版4款設計，今次仲有新加入既第二代限定版，
其中黃色千鳥格款式，亦相當吸引喎。


不過講到尾，先生都係鍾情第一代既藍色沙甸罐Fischers Fritze。
明顯先生呢期有運行，抽籤過程絕對公平公開公正，1／10機會，都俾我抽得中愛機，掂呀！


除左相機，每位參賽者仲有4卷免費菲林。
先生抽中3卷100度Slide，同1卷800度黑白菲林……唔駛問，各位攝影發燒友，梗係當日立即開波喪影啦。


「 喂喂？阿May呀？想知先生第1筒slide，影左D乜？」
唔賣關子啦，立即開估－－
先生既全新日本語教室，即將公開任睇！！！！
各位同學，記住mark實先生既部落格、Facebook專頁，仲有新浪微博啦。(￣︶￣)

一白，果然遮三醜‧Dr. White™家用藍光牙齒美白療程

長期唔update，成日呻忙既先生，
有時候，都要偷得浮生，抖下氣既。

今日，先生就同一班blog友，呢埋響酒店房……
……咬住奶咀睇小丸子！？Σ(・ω・ノ)ノ!ｗ

哇，玩Benjamin Button，奇幻逆緣呀？
咳咳，先生手頭上既翻譯，的確係譯完晒（爛）；
重點係，此絕非一般奶咀，而係藍光牙齒美白機。


講起美白牙齒，大家都會諗到去牙醫度做療程，
係就係好白，但係做完牙肉又赤，荷包又赤，
成皮野喎！先生未有咁富貴。

平平地，有乜野好選擇呢？呢盒Dr. White™係可以一試。
成套野，有藍光機、牙齒美白啫喱 x 3支，同埋牙齒膠托 x 2個。只要每日刷牙後，擠入適量啫喱入牙托，戴好再含住藍光機，每日15分鐘，就可以無痛美白牙齒。
原理係咩呢？基本上呢套野類似專業藍光療程，藍光機激活美白GEL既過氧化碳二胺，深入琺琅質以內，於是有效消除煙漬茶漬呀咁，敏感牙齒都用得。
先生成日飲茶飲咖啡，岩晒我用啦，嘿嘿。（￣ー＋￣）


未開始療程，先黎度一度先生D牙有幾黃……
咦咦？C2，勁飲咖啡都有C2咁白，真係還得神落。


跟住，就要將牙托，浸落攝氏80度熱水，令佢稍為變軟，然後幫自己度身訂造牙套。
先生論論盡盡，都係搵專業人士幫手；各位手腳靈活既，自己響屋企處理，綽綽有餘架啦。


當牙托變軟，就放入口腔，用手指輕按成自己既牙型。
萬一整衰左點算？唔怕，再放番入熱水度，牙托就會變回原形，再整過，咪得囉。


整好牙托，跟住就要落美白GEL勒。
記住一支GEL夠用兩次，上下顎夾埋，半支就夠架啦。
仲有GEL剩，仲可以用手指搽落牙漬特別嚴重既部位，去漬都去得特別快。


戴好牙套，按一按藍光機中間既按扭，等15分鐘，就完成美白療程。
連續做6日，棚牙起碼可以白多5、6級架。


好，第一次療程完成，
睇下效果如何先……
哦，由C2跳到去D2，白左2級！
嗯～嗯，確係冇之前咁黃喎，連下顎前排既漬都冇咁明顯，1／10價錢有呢個效果，收晒貨架啦。

咁，連續用左6日既先生，笑容又有幾燦爛先？


結果係，真係足足白左6級！！(*ﾟ▽ﾟ*)
喂喂，影相呢D野，未必咁像真喎……
OK，下次見到我真人，記住叫我E棚牙你睇呀下。

笑得咁開心，除左因為棚牙白左，
仲因為，先生即將放大假，去旅行啦喂。ヽ（●´3｀）ノ

出發之前，除左準備棚靚牙同毛毛帽子，
仲要捉埋個旅行伴侶。
係邊個？下星期話你聽。