2011暑假工作回顧：謝謝滝沢伸二、野原新之助、佛陀。（排名不分先後）

尋日為工作靜雞雞飛黎東京，
要到9月先再返香港。
趁8月仲未結束，總結一下，先生我今個暑假，有幾勤力先。＼（｀∀´）ﾉ



NHIZ X Champion
8月頭再為NEIGHBORHOOD主腦，滝沢伸二先生做詮譯。
今次滝沢先生來港，全為NEIGHBORHOOD與香港品牌izzue合作嘅NHIZ，再同美國運動服大廠Champion推出嘅crossover做宣傳，接受傳媒訪問。
一向色彩鮮艷嘅Champion，點解會同monochrome居多嘅NHIZ扯埋一齊？原來滝沢先生係睇中Champion嘅大學校園風格，T-shirt、棉質運動褲、以及連帽外套，同NEIGHBORHOOD獨有設計襯絕；嫌一般運動服太薯嘜？今季終於有型仔推介。


《蠟筆小新‧黃金間諜大作戰》
除左一大堆產品單張翻譯同網站翻譯，
都係忙老本行，字幕翻譯啦。
一年一度既小新電影有出龍，今次係自臼井儀人先生離開我地之後，第一齣小新電影。老實，係別具意義既。嗯嗯。


今集故事，係講小新俾一個叫檸檬既細路女邀請做間諜，
去搶番舊叫「動感能量膠囊」既超級武器。
蠟筆小新嘛，冇計，都係屎尿屁少少，人情味多多咁啦。
有入戲院捧場既同學仔，希望冇臭親你地啦。
得啖笑之餘，都可以搵到感動位既話，就好啦。：）


《佛陀‧美麗的紅色沙漠》
忽然轉風格，由搞笑跳去佛道。
係架，做翻譯既，乜都要譯架嘛。
《佛陀》電影版改編自手塚治虫同名漫畫，電影版將分為3集。
第一集係將漫畫1～2冊改編而成，講述悉達多因乜事出家修行。
製作團隊搵黎做開《聖鬥士星矢》同《龍珠》系列既企劃森下孝三做導演，無論人設同氣氛，都同原裝漫畫截然不同。
想睇正場既同學仔，要等到10月6日；想率先睇既同學呢，就要撲飛睇日本動畫賞 J-toon Festival。優先場得9月11日同18日兩場乍，想睇既可以click入MCL網站訂飛啦。

想依家就睇？
好啦好啦，睇住Trailer先啦咁。：）

臨急瘦象腳，得左！‧BLISS fatgirl treatment kit

好不容易，終於捱到8月尾啦～。
日日33度高溫既日子，好快會過去啦呱？
雖則夏天好快就過，減肥季節，一年365日絕對冇得停架。
老實，先生今年相當hea。
日日係咁食，運動繼續不足，車呔肚，唔通真係要跟我一世？

仲記得，上年夏天情況都冇咁嚴重。
一來工作冇今年咁爆，飲食確係正常好多既。
二來，有BLISS PR送大禮，送我成set減肥系列，
日日keep住搽，水腫都俾我捽走晒啦！(*′ω`)b


今年又有BLISS打救我勒。
新推出BLISS fatgirl treatment kit，咪睇佢細細set，好似好唔襟用咁，
份量足夠搽足個幾2個月！趁8月未完，先生日日起勢捽，
大脾小腿D水腫，當堂收返唔少！
趁暑假未完，終於可以去沙灘游番次水啦喂。


唔駛多介紹，BLISS修身產品既皇牌，當然就係呢支fatgirlslim啦！
含有由咖啡因壓縮而成既QuSomes分子，既可以將頑固脂肪分解成脂肪酸，加速脂肪消耗，仲可以令從來唔活躍既脂肪細胞都肯自動做運動，促進淋巴系統的循環，有效，減少脂肪積聚，早晚用刷刷打住圈按摩，全日keep住瘦架。


去海灘唔可以肥羔多，死皮更加要去！fatgirlscrub用喜瑪拉亞粉晶鹽製成，去死皮仲有舒緩作用，加埋紅海藻成分，一邊捽一邊退水腫，捽完出黎照照鏡，線條真係有slim到喎！
嗯嗯，仲有先生最鐘意既西柚 + 薄荷清香，真係年年夏天必備。


夜晚臨訓，搽呢隻fatgirlsleep，係零瀉好訓D。
佢有荷花萃取物，專門吼你夜晚訓覺，同你退橙皮紋，兼預防水腫。薰衣草清香超好聞，第二朝醒左，仲有陣陣花香係身邊，精神爽利。


由於災情嚴重，先生今年再買多支lovehandler，直頭四管齊下，極速瘦。
佢同fatgirlslim一樣，含更強勁咖啡因，勁有效收緊鬆弛腰部，以及下垂肚腩。
早晚用瘦身膏之前，我都會用呢支野打底。唔講笑，真係keep住feel到舊腩成個朝早涼浸浸，一個星期終於見番少少曲線！
加埋特製刷刷打圈按摩，連去廁所都改善左喎！

減肥絕對冇得偷懶，無論身處香港定日本，都係咁話。
呢套修身旅行裝咁抵玩，今個月尾去東京，一定要執埋佢入行李。

無錯！成個暑假non-stop咁做，先生終於可以響今個月尾放番幾日假啦。
咪話我又響度賣關子，今次去東京，先生已經book定好多好玩新野架啦～
想知？等我9月返來，圖文並茂話過你聽。(●｀･ω･)ゞ

勁洗頭頂「豬羔」！化學殘餘物，拜拜！‧BLU SPA全新高效護養頭髮療程

實不相隱，查實，先生都好恨擁有一把長長頭髮架。(´Д｀。)
咁，話晒都係女仔來丫！係女仔都想試下長頭髮架啦……
可惜先生天生太粗魯，
細細個，媽咪一見我頭髮0稍為長D，就捉我剪到小丸子咁短；
連家陣髮型師見到我，都會婉轉講句：先生，都係短頭髮岩你D喎。


不過由今年起，先生執意要留返長DD。（死唔信邪？係架，我認架。）
要留一把亮麗秀髮，頭髮當然要健康。
受Blu Spa邀請，一嚐「全新推出高效護養頭髮療程」，聽講既可以護理頭髮，仲可以清潔髮根附近既化學殘留物，
想極速留長頭髮，點可以唔試試呢個treatment先？( ´￢`)

未做treatment，先要做個頭皮分析。
咪話先生唔預先警告大家呀，以下畫面會令人情緒不安呀下……

登登！先生頭皮放大圖！！Σ(￣￣￣Д￣￣￣lll)！！
↓
↓
↓
↓
↓
↓
↓
↓
↓
↓
↓
↓
↓
↓
↓
↓


哇！巧驚驚呀！＞口＜；
留心睇睇，你就會發現，髮根位置好似有層乳白色既物質，覆蓋住整個頭皮。原來呢D就係我平時用得太多化學洗頭水、護髮素呀咁，咁多年殘留響頭皮度既化學殘留物！
成擔豬羔咁積響頭頂，唔單止令頭髮唔夠營養，仲會阻住新頭髮生出黎！
唔怪得先生頭髮，買少見少，仲開始有白頭髮添啦！


BLU SPA Hair Rejuvenation Centre既髮療師同我講，一般洗頭水絕唔可能洗甩呢D殘餘化學物質。
要洗，就要轉用含有無患子精華，成份天然既洗頭水。
來自加拿大既BLU SPA洗頭水，係其中一個好選擇。


當然，想去得更徹底，都可以定期響屋企幫頭皮做個靚SPA。
有呢套DIY套裝，全部以純植物萃取精華提煉而成，蘊含豐富護髮養份同微量元素，有效清除頭皮
上既化學物質，防止毛囊堵塞，仲可以平衡頭部皮膚pH值同水油分佈，
生出黎既頭髮，自然吸足營養，夠晒強壯啦。


明明可以響屋企做，做乜專登山長水遠走上BLU SPA度先？
話晒o個度有專業髮療師，除左知足步驟落幾多份量永冇失手外，佢地仲有專業熱力頭皮按摩服務，按頭又按埋頸，梗係舒服過響屋企做多多聲啦。(｀･ω･´)

療程程序：
1 洗頭
2 高頻率消炎治療儀
3 活細胞精華營養補充
4 香薰經絡按摩（包括：頭部、頸椎、肩膊）
5 深層導入高效營養素
6 高效紅外線修護焗油
7 清潔


事後再睇睇頭皮：髮根位置明顯清晰過未做之前好多咁喎！
係架，係冇可能一口氣清晒所有殘餘物架啦，
以後惟有勤勤力力，keep住唔好俾佢再惡化係啦。

想試做，家陣去抵過以前好多！
原價$803 60分鐘，家陣$138就可以試玩。
最近無緣無故勁甩頭髮？好似先生咁多左白頭髮？去照下頭皮，都抵既。
有興趣，上www.bluspa.com，望望詳情啦。