奪命少女相機，登場！‧RICOH CX5

今時今日，每次食飯，都係相機先食，先到人食。
先生我也不例外，無時無刻，都係iPhone幫我食第一啖架。
（廣告時段：各位有安裝instagram既同學，快來關注先生啦～！用戶名稱係「peggysensei」喔！；D）

尋常少女固然要日日UP相上Facebook，
區區iPhone，點可以滿足對相片質素既先生呢？
下下要Zoom近影美食，相機微距一定要做得好；
最好識自動選擇合適設定，不論環境光定暗，亦能快速影到美食，費事餓親自己丫嘛。

計來計去，都係RICOH CX5最好不過。


RICOH CX5今年2月日本推出，28mm廣角鏡，最遠Zoom到300㎜，有效像素1000萬，雖然唔支援手動，冇快門或光圈先決，但係對焦最快0.2秒，快上一部CX4足足成倍！仲有粉紅色版添，岩晒少女啦。


新系列CX5除左夠快，仲有乜特色？
話說CX5新加入「菜餚模式」（右上）同「煙花模式」，影美食，邊影邊tune色；影煙花，快閃都捉得住。
加埋同系列一貫既「微型模式」（左上）、「玩具相機模式」（右上）「柔焦模式」（左下），影出黎既食物自然更加好味。想Moody D，玩埋黑白模式（右下），幾有feel。


好鍾意「菜餚模式」個日文名「料理MODE」，聽個名已經覺得好味左，一路影一路tune相，效果即刻有得睇，鮮嫩好味，得左！(ゝ∀･)


「柔焦模式」影人就最岩。就算呢期熱氣多暗瘡，落左Soft Lens，連執相都慳返。


「微型模式」可以為相片賦予景深效果，成將相當堂宏偉好多，小小蛋糕，即刻好有氣派喎！


唔夠玩？CX5機仔總共有成廿幾個拍攝模式，多花款又即刻睇到效果，
岩晒一班又要狂Update Blog，又冇時間執相，又貪靚既少女啦。

喔，剛過生日既中女如我，更適合不過。：）

9大醫學護膚品牌，晒你冷！‧屈臣氏醫學美肌傳媒聚餐

踏入5月份，又是我面不紅耳不熱的，
叫身邊好友，一個個請食飯的好日子。
是的，先生又生日啦～！
(ｏ￣∇￣)＝◯)`ν゜)･；（請咪請囉，唔駛打人既。）

未到生日，已率先收到兩位孝順學生的賀禮；
（多謝你地啊！！我會好好珍惜使用的！）
5月上旬，先生亦受屈臣氏及LaurieR之邀請，參與屈臣氏醫學美肌聚餐，
更收到比先生個頭更大的大禮物！


哇哇哇！集合屈臣氏9大醫學美肌品牌：VICHY、ATORREGE AD+、PROMEDIAL、URIAGE、La Roche Posay、SANS SOUCIS、NANOSYS、C'BON以及MEG21，直頭重到搬唔到返屋企！
多謝晒屈臣氏PR們，為我提早慶祝生辰！


「聚餐」嘛，自然保證你食到肚滿腸肥方罷休。
活動假北角海逸酒店舉行，嘿嘿，我今年第一餐生日飯。(ﾉ∀｀ )


整個活動最大精髓，就是邊吃，邊聽台上專家講解，邊試用9大醫學品牌護膚品。每逢轉季，或者壓力勁大，喪爆瘡在所難免；最近更聽朋友講，壓力大到勁爆濕疹！暗瘡呢家野，不論男女，人人得而誅之！
集結歐、美、日，韓多國醫學品牌的屈臣氏，從來都是先生出事救命必至聖地，今年更新加入不少新成員，以後大吉利是有咩意外，又多幾個救命勇士。


不得不承認，先生向來比較偏頗日本護膚牌子。貪佢配方較適合東方人膚質，點計都唔會出事。
今次聚餐過後，又發現其他國家牌子，也有精彩之處。且看先生推介幾款心水：


VICHY油脂調節保濕霜
加入LHA，水揚酸及乙醇酸的油脂調節保濕霜，塗後感覺清爽得來很水潤，不像一般控油產品，扯到塊面見毛孔。上妝前塗一浸，妝容可以keep成日，冇浮粉。


ATORREGE AD+深層淨膚啫喱
樂敦家族出品，從來是我敏感期心水護膚品。此「0」號洗臉啫喱神奇的是，敷上臉10秒，就能溶解任何妝物，最驚既係，連鼻頭酒米黑頭，都浮晒出黎！有冇咁誇張呀！？


La Roche Posay Uvidea XL每日高效BB乳霜
成日聽人講韓國BB Cream容易「食落皮膚」，做多少次深層潔膚都洗唔甩。此款BB霜不含香料，並通過皮膚測試，不會堵塞毛孔。質感清爽之餘還有SPF50 PA+++防曬功能，夏天岩晒！

有興趣為夏日護膚箱入貨的各位同學，由6月1日起，
可以到屈臣氏搜刮以上護膚美品。

精製水，洗出和菓子肌‧DERML醫學美容系列

這兩個月來，有見過我的人，都應該睇得出，
先生再度踏入每年春季必至的「爛面期」。
喂，無計啦，進入轉季期，時凍時熱，
3月～6月，皮膚水油勁唔平衡，註定喪標瘡。(ノДＴ)嗚嗚。

2011年，先生比較幸運，爛面期到5月頭，正式結束！
全因，遇上連前日本首相夫人都愛用的護膚品！ヽ( ´ー)ノ


就是「Derml」醫學護膚品系列。
各位同學未必見過Derml，全因這系列只能透過專業皮膚科醫生買得到。
點解咁矜貴？全因Derml以日本「山忠精製水」製造。
山忠，乃1965年起家的日本和果子店；1980年起老闆決定以純水，研法至溫和護膚品。
全系列由皮膚科醫生研發，顧客亦得先咨詢醫生意見，接過「藥方」，方能配「藥」。
咪睇佢全條line只得4款產品，護膚品絕對貴精不貴多，簡單4步驟，
足以挽救先生爛足2個月的爛面，認真唔該晒～。（・∀・）b


Derml在香港，Derml暫時只能在仁安醫院配到；往後會陸續於更多診所發售。
社長大人作風相當樸實，從不刻意打廣告，只靠口碑作推銷；
認為製造肌膚需要的護膚品便足夠，簡單就是美，所以10多年來，系列只有4款產品。
如此老實商人，日本呢，我就信有囉。


別以為先生在記者會上，一味掛住食。
當日已試過護膚品質感，拍低埋有幾水潤滑溜，黎黎黎，去片！


到底Derml何解咁犀利，口碑一傳十，十傳百，傳到連日本前首相夫人鳩山幸，長期keep住用至今？
至耍家要數呢支Derml Mc 按摩美容液。咩話？用美容液洗臉咁奢侈？
無錯！朝早起身，先用清水洗臉，抹乾水份，再用Derml Mc按摩30秒，
深藏毛孔之油脂污垢，統統引晒出黎。以溫水過淨後，再來一小泵塗勻全臉，
肌膚上立即形成保護膜，皮膚更顯透明感。


一把年紀如我，當然要顧及皺紋問題。
臨睡前做過基本護膚程序，再來5滴Derml R 美容液，
讓肌膚保持彈性，皺紋都少幾條。
還以為5滴份量會多到吸唔晒，超水潤膠質精華液，竟然一下子俾塊面索晒！
真係唔認dry都唔得。ヾ(。￣□￣)ツ


秋冬乾燥，或者夏天開冷氣，怕肌膚水份被抽乾，朝早或臨訓可加埋Derml F 臉用保濕Cream。
初頭摸落手感似乎有D膩，推推下又係一下子吸收晒，保濕之餘亦無話標油脂粒。
至今用足成個月，暗瘡甩皮走米粒粒終於消失，證明潤而不膩。
以後大吉利是爛面，終於有救星啦。

呀，順帶一提，
假如各位同學當中，有初為人母，
不幸BB亦有爛面情況，亦可以Derml救命架！
詳情，請向您的皮膚專科醫生查詢。：）