中女們，今年夏天繼續少女‧SOFINA AUBE couture designing impression eyes X premium rouge

即係咁，有得我揀，梗係恨做菅野美穗啦！
童顏美女，今年成34歲人，都仲係咁Cutie，無敵啊。


不過如果，可以做到江角真紀子的話，就直頭執到添啦！
唔講唔知，成45歲架啦，都仲可以keep住咁索。
先生可以keep住呢個樣教多10年書既話，就發達啦……(￣ー￣)

到底點先keep得到？
護膚品固然緊要。化妝品，亦不容忽視。
講緊既，唔止係粉底蝕唔蝕色，傷唔傷皮膚呢類問題；
而係－－到底配搭乜野顏色，唔會懶青春，又唔會顯得太老套？
講到呢方面，SOFINA就最耍家。
今年初夏推出既SOFINA AUBE couture最新眼影同唇彩，正正符合以上苛刻條件：
無論少女定中女，同樣可以用得聰明。





尋常少女最忌唔識襯色，化到對眼一撻撻，仲腫過未化。
新推出既designing impression eyes，盒內有齊詳細說明，邊隻色用響邊個位襯邊款掃，統統寫到明，確實永冇失手！


新眼影仲加入上下眼線粉。你可能會話：車！下眼線，我平時都用開Highlight筆做架啦。
之不過眼油多既人，眼線特別易融；想個妝keep得耐，都係用番呢隻專為眼部而設既眼線粉罷啦。


另一新產品designing premium rouge，就岩晒365日乾唇人。唇彩加入勁大量精華成份，唔係我誇張，真係一塗，唇紋即刻冇晒！
平時至憎搽唇膏，就係怕佢現晒D紋，家陣keep住搽，仲有護唇功效添。 (ゝ∀･)


SOFINA仲邀請化妝大師Gary Chung，以SOFINA AUBE couture最新產品，示範夏日靚妝。無論返工定落P，要全場矚目又要優雅大方？快D睇睇下面兩條片，學野啦～。

好味道！LOMO出罐頭沙甸！‧La Sardina系列

先生愛吃魚，也愛攝影。
咦？兩者有甚麼關係？有啦有啦。
正因如此，LOMO公關一話搞海鮮派對，先生先至義不容辭！
LOMO都駛轉行賣魚？到底搞邊科？
快快換衫衝去上環LOMO專門店八一八先！


大會指定服裝是水手服。勉強藍色撞間條，算做過關啦～ ( ´∀`)
（身為已成年碼頭工人，仲可以啤佢一啤添。）


活動開波，海鮮靚佬送來新鮮靚魚……海鮮真面目，即將揭盅！


真相大白，原來LOMO家族加入新成員La Sardina，沙甸魚身形，4款顏色圖案設計，認真Sharp醒！
當日仲舉行一場La Sardina Cat Walk，咦～咦？夏天同埋佢一齊出街Snap，確係好襯喎。


新成員La Sardina到底有乜煞食呢？根據官方資料，有以下賣點：
‧廣角鏡頭
（無錯，夏天上山下海，影風景真係好緊要。）
回片鈕和 MX 鈕，可多重暴光
（哦哦哦，Double Exposure好好玩架喎！）
Fritz the Blitz 閃光燈連接阜
（唔夠光？自己加閃光燈啦。）
提供２個對焦設定
（鍾意拍近拍遠都得，一啪揀定，好方便。）
B 快門
（想玩長期暴光，或者夜晚唔夠光，都可以試下自己夠唔夠手定。）
扭入式快門線
（又其實，你都可以駁快門線，影出黎既相咪更啖定囉～。）
La Sardina 系列特別版靚靚設計
（無錯！我仲已經揀定我最like既添啦！）



唔駛講，對住Fischers Fritze，真係一見鍾情。
番茄沙甸魚，細細個食到大，感情分自然大增！佢仲附送閃光燈，兼備3段距離設定，超方便我呢種閃光燈白痴，夜行拍snap shot！

想睇睇用La Sardina系列影既相有幾靚？可以瀏覽La Sardina系列官方網站；（http://microsites.lomographyasia.com/la-sardina/galleries）
直頭對佢有興趣？咁就要去LOMO專門店，試試新鮮靚魚啦。

齊齊見證天使草護膚效果！‧L'occitane天使草水盈保濕系列（下集）

上回講到，PR邀請我地幾個Blogger，一齊影靚相；
呢輯廣告，經已響上星期（6月下旬），率先見街！ヽ( ^∀^)ﾉ


排名不分先後：Meling、Athena、Daidai、華華、Yvonne、點點，同埋我，Dress Code乃係代表天使既白色，哇！好耐未試過著uniform，忽然好懷念添。 (￣ー￣)


就咁睇相，係咪覺得我地好似好relax，好舒服咁呢？
查實要keep住擺呢個pose成10幾20分鐘，都唔容易架！嗯嗯，各位美女blogger都表現得相當PRO啊！
至於先生我就……（腳痹！＞ˍ＜；；）


好勒，輪到影單頭時間！
一向冇黎正經（sorry囉，嗚。）既先生，真係唔識擺V字手勢以外既pose架。
俾我激死了的攝影師先生，在此再次向你道個歉先呀下。（鞠躬）


經過攝影師先生苦口婆心既勸告，終於正經番D……
（但係隻蟹箝依然放唔低……(((┏(;￣▽￣)┛（逃））


搞左15分鐘，卒之可以做番個正經樣！
禮成，收得工囉！ (ゝ∀･)
多謝當日攝影大哥，兩位化妝師小姐，以及L'occitane各位美女PR既幫忙啊！


不過，講到最大幕後功臣，都係要讚一讚L'occitane天使草水盈亮眼按摩筆。兩星期keep住早晚碌一碌，眼袋冇咁腫之餘，天使草香油果然有發揮排毒效用，
黑眼圈淡左，影相都上鏡番少少咁多，真係唔該晒。(ﾉ∀｀ )

各位有興趣睇睇呢個廣告既同學，
記住黎緊7月份出版既美容雜誌啦～！；）

肌膚飲飽水，全靠「法國當歸」！‧L'occitane天使草水盈保濕系列（上集）

多謝L'occitane PR送來今年（應該係最後啦呱？）生日禮物－－L'occitane天使草水盈保濕系列。(≧∀≦)
一向勁愛用L'occitane沐浴露，尤其綠茶同馬鞭草系列，更係先生炎夏必備聖物，真係索一索，舒筋活胳架～！ (￣ー￣)

新系列護膚品，用上「天使草」作原材料。
天使草，聽個名就夠晒浪漫勒，到底，係甚麼東東？

英文原名叫「Angelica」既呢種植物，原來係北半球常見植物。
北半球者，遠至冰島，甚至日本，同我地中國，都有同類植物；
而中國人好早就有用中國版天使草根部，製成中藥，亦即係藥材鋪常見既當歸勒。
至於法國人，自中世紀時代，亦將天使草用作藥用、食療材料，甚至用黎打造護身符添。

似乎世界各地人士，都不約而同發現「Angelica」既神奇藥效。
點解咁神奇？可能，同天使草既驚人生長速度有關：


大家望一望，呢棵西人咁高既植物，就係神奇既天使草勒。咪以為佢生得高，肯定種左幾個月，呢一棵，都不過幾日貨仔架乍！


短短幾日就生到成個人咁高，事關天使草有吸收力、鎖水力同樣強勁既根部，將養份源源不絕送上頂，先得天使草咁高咁靚乍。


L'occitane就將天使草根部強勁儲水力，加入呢個護膚系列，令夏天肌膚儲水得來，亦能保持清爽不油膩。
先生心水皇牌，就有呢3款：天使草水盈保濕乳霜（左）、天使草水盈滲透活膚乳液（中）、天使草水盈防曬乳液（右）


夜晚開大冷氣訓覺前，一定要加呢隻天使草水盈保濕乳霜上面，費事俾冷氣扯乾晒皮膚嘛。
話就話係cream，搽上臉感覺又冇想像咁難吸收喎；
起身再摸摸鼻翼兩邊，嗯嗯，又冇標油播！證明皮膚真係補夠水，冇反抗，唔該晒。


聽講呢款「天使草水盈滲透活膚乳液」係亞洲限定商品，專門為亞熱帶又涅又扯水氣候而設計。
的確，夏天又焗又熱，補濕都無謂增加皮膚負擔。呢款乳液質地水潤易吸收，就算之後再上妝，都唔怕油到即溶。
不過記住，上臉時記住薄薄地，用雙手輕按臉頰，直至乳液完全吸收先上妝，咁就可以keep住全日水份充足唔油膩。
再加埋天使草水盈防曬乳液，有SPF40/PA+++抗曬保護，滋潤得黎keep住冇曬黑。 (ゝ∀･)


用足1星期，皮膚確係軟滑唔少。
PR姐姐見我地用得幾好，仲請我地成班影左輯靚相添。

想睇？留意今個禮拜推出，1109期壹週刊啦；有耐性既，都可以keep住mark實先生BLOG既。
至於想試天使草有幾神奇，就唔駛等咁耐，
聽日（6月16日）起，就可以去L'occitane門市，親身感受下啦。ヽ( ^∀^)ﾉ