齊齊見證天使草護膚效果！‧L'occitane天使草水盈保濕系列（下集）

上回講到，PR邀請我地幾個Blogger，一齊影靚相；
呢輯廣告，經已響上星期（6月下旬），率先見街！ヽ( ^∀^)ﾉ


排名不分先後：Meling、Athena、Daidai、華華、Yvonne、點點，同埋我，Dress Code乃係代表天使既白色，哇！好耐未試過著uniform，忽然好懷念添。 (￣ー￣)


就咁睇相，係咪覺得我地好似好relax，好舒服咁呢？
查實要keep住擺呢個pose成10幾20分鐘，都唔容易架！嗯嗯，各位美女blogger都表現得相當PRO啊！
至於先生我就……（腳痹！＞ˍ＜；；）


好勒，輪到影單頭時間！
一向冇黎正經（sorry囉，嗚。）既先生，真係唔識擺V字手勢以外既pose架。
俾我激死了的攝影師先生，在此再次向你道個歉先呀下。（鞠躬）


經過攝影師先生苦口婆心既勸告，終於正經番D……
（但係隻蟹箝依然放唔低……(((┏(;￣▽￣)┛（逃））


搞左15分鐘，卒之可以做番個正經樣！
禮成，收得工囉！ (ゝ∀･)
多謝當日攝影大哥，兩位化妝師小姐，以及L'occitane各位美女PR既幫忙啊！


不過，講到最大幕後功臣，都係要讚一讚L'occitane天使草水盈亮眼按摩筆。兩星期keep住早晚碌一碌，眼袋冇咁腫之餘，天使草香油果然有發揮排毒效用，
黑眼圈淡左，影相都上鏡番少少咁多，真係唔該晒。(ﾉ∀｀ )

各位有興趣睇睇呢個廣告既同學，
記住黎緊7月份出版既美容雜誌啦～！；）

肌膚飲飽水，全靠「法國當歸」！‧L'occitane天使草水盈保濕系列（上集）

多謝L'occitane PR送來今年（應該係最後啦呱？）生日禮物－－L'occitane天使草水盈保濕系列。(≧∀≦)
一向勁愛用L'occitane沐浴露，尤其綠茶同馬鞭草系列，更係先生炎夏必備聖物，真係索一索，舒筋活胳架～！ (￣ー￣)

新系列護膚品，用上「天使草」作原材料。
天使草，聽個名就夠晒浪漫勒，到底，係甚麼東東？

英文原名叫「Angelica」既呢種植物，原來係北半球常見植物。
北半球者，遠至冰島，甚至日本，同我地中國，都有同類植物；
而中國人好早就有用中國版天使草根部，製成中藥，亦即係藥材鋪常見既當歸勒。
至於法國人，自中世紀時代，亦將天使草用作藥用、食療材料，甚至用黎打造護身符添。

似乎世界各地人士，都不約而同發現「Angelica」既神奇藥效。
點解咁神奇？可能，同天使草既驚人生長速度有關：


大家望一望，呢棵西人咁高既植物，就係神奇既天使草勒。咪以為佢生得高，肯定種左幾個月，呢一棵，都不過幾日貨仔架乍！


短短幾日就生到成個人咁高，事關天使草有吸收力、鎖水力同樣強勁既根部，將養份源源不絕送上頂，先得天使草咁高咁靚乍。


L'occitane就將天使草根部強勁儲水力，加入呢個護膚系列，令夏天肌膚儲水得來，亦能保持清爽不油膩。
先生心水皇牌，就有呢3款：天使草水盈保濕乳霜（左）、天使草水盈滲透活膚乳液（中）、天使草水盈防曬乳液（右）


夜晚開大冷氣訓覺前，一定要加呢隻天使草水盈保濕乳霜上面，費事俾冷氣扯乾晒皮膚嘛。
話就話係cream，搽上臉感覺又冇想像咁難吸收喎；
起身再摸摸鼻翼兩邊，嗯嗯，又冇標油播！證明皮膚真係補夠水，冇反抗，唔該晒。


聽講呢款「天使草水盈滲透活膚乳液」係亞洲限定商品，專門為亞熱帶又涅又扯水氣候而設計。
的確，夏天又焗又熱，補濕都無謂增加皮膚負擔。呢款乳液質地水潤易吸收，就算之後再上妝，都唔怕油到即溶。
不過記住，上臉時記住薄薄地，用雙手輕按臉頰，直至乳液完全吸收先上妝，咁就可以keep住全日水份充足唔油膩。
再加埋天使草水盈防曬乳液，有SPF40/PA+++抗曬保護，滋潤得黎keep住冇曬黑。 (ゝ∀･)


用足1星期，皮膚確係軟滑唔少。
PR姐姐見我地用得幾好，仲請我地成班影左輯靚相添。

想睇？留意今個禮拜推出，1109期壹週刊啦；有耐性既，都可以keep住mark實先生BLOG既。
至於想試天使草有幾神奇，就唔駛等咁耐，
聽日（6月16日）起，就可以去L'occitane門市，親身感受下啦。ヽ( ^∀^)ﾉ

聰明GEL幫你水油平衡‧KIEHL'S Ultra Facial Oil-Free

到底，30幾歲人仲成面暗瘡，係咪叫「再度青春期」呢？
唉，先生都想。(* ￣ー￣)哼。

講過無限次架啦，
皮膚多油，毛孔容易閉塞，自然多暗瘡；
點解咁多油？事關皮膚勁缺水，皮膚自我防禦系統惟有係咁標油，幫你保護皮膚。連上帝都估唔到，呢套系統，竟會「越幫越忙」。

所以，夏天原來更需要補濕。
一般補濕產品，秋冬用還可以，
一到夏天，少少油份都會為皮膚帶來沉重負擔；
亂咁控油？皮膚唔知仲以為你太乾，反而仲標得多油！

今年6月，KIEHL’S新推出「Ultra Facial Oil-Free」系列，
當中有「智能油脂調節收護因子」，
可以24小時，調節油脂，好有沙漠中搵到綠洲既感覺！ (oﾟωﾟo)


KIEHL’S全新系列經已在6月1日推出！
端午過後，又熱又焗，皮膚不好受？係時候試試呢條冰涼水潤新系列。


新品發佈會當日，仲有駐場調酒師，幫我地調配Blue Hawaii等cocktail。
日光白白就飲到Wing，好在當日下晝先生冇堂遮。(～o￣▽￣)～o 飄～


未試用，先測試一下自己係乜野膚質。
有呢隻最新測試紙，按響額頭同臉頰10秒，就可以知道自己有幾油／Dry。
結論係，噢，額頭係有少少偏油，但係面頰超平衡播！
安心安心～。（￣▽￣）
同學們都想試玩？可以落去各大KIEHL'S專櫃，
叫靚女姐姐幫你試架。


當日試「特效清爽保濕潔面啫喱」，真係俾PR姐姐嚇左一跳：少少份量，竟然可以捽出咁多泡泡，摸落仲相當棉密添！以為「清爽」野一定洗完成塊面繃緊，呢隻反而仲舒服過我用開既洗臉泡，所謂控油野，原來未必扯水既。 (●′ω`●)


洗臉過後，用棉花輕輕掃上「特效清爽保濕爽膚水」，質感清爽之餘，其白茅及葡萄醣蛋白配方，亦會即時為皮膚補水。潤得來，絕對唔會涅，洗完臉乾到立即標油現象，即刻消失。


最抵讚，一定要數「特效清爽保濕啫喱乳霜」。同樣含白茅同葡萄醣蛋白配方，仲結合甘油成份，為肌膚天然底層供水。
一聽甘油個名，仲諗住好油膩，估唔到佢係清爽Gel質地，一塗上手好似水咁冰涼，一下子索晒入皮膚！

皮膚水油平衡，果然冇標油；今日32度熱辣辣，先生通街走兼連續上足三堂，臉頰、眼肚位置依然未見溶妝。
呢條Line，應該可以Keep住用埋呢個7月。(≧∀≦)

奪命少女相機，登場！‧RICOH CX5

今時今日，每次食飯，都係相機先食，先到人食。
先生我也不例外，無時無刻，都係iPhone幫我食第一啖架。
（廣告時段：各位有安裝instagram既同學，快來關注先生啦～！用戶名稱係「peggysensei」喔！；D）

尋常少女固然要日日UP相上Facebook，
區區iPhone，點可以滿足對相片質素既先生呢？
下下要Zoom近影美食，相機微距一定要做得好；
最好識自動選擇合適設定，不論環境光定暗，亦能快速影到美食，費事餓親自己丫嘛。

計來計去，都係RICOH CX5最好不過。


RICOH CX5今年2月日本推出，28mm廣角鏡，最遠Zoom到300㎜，有效像素1000萬，雖然唔支援手動，冇快門或光圈先決，但係對焦最快0.2秒，快上一部CX4足足成倍！仲有粉紅色版添，岩晒少女啦。


新系列CX5除左夠快，仲有乜特色？
話說CX5新加入「菜餚模式」（右上）同「煙花模式」，影美食，邊影邊tune色；影煙花，快閃都捉得住。
加埋同系列一貫既「微型模式」（左上）、「玩具相機模式」（右上）「柔焦模式」（左下），影出黎既食物自然更加好味。想Moody D，玩埋黑白模式（右下），幾有feel。


好鍾意「菜餚模式」個日文名「料理MODE」，聽個名已經覺得好味左，一路影一路tune相，效果即刻有得睇，鮮嫩好味，得左！(ゝ∀･)


「柔焦模式」影人就最岩。就算呢期熱氣多暗瘡，落左Soft Lens，連執相都慳返。


「微型模式」可以為相片賦予景深效果，成將相當堂宏偉好多，小小蛋糕，即刻好有氣派喎！


唔夠玩？CX5機仔總共有成廿幾個拍攝模式，多花款又即刻睇到效果，
岩晒一班又要狂Update Blog，又冇時間執相，又貪靚既少女啦。

喔，剛過生日既中女如我，更適合不過。：）