14萬首J-Pop唱天光！‧Music Box KARAOKE

日文要說得好，發得準，
Keep住練，自然少不免。
農曆新年假放足一星期，
先生可沒因此怠慢，
繼續為日語發奮！！

所以，今個農曆新年，
我跟朋友去了…

唱日文卡拉OK。＼(≧▽≦)／♪


甚麼？說我根本只為玩？哎呀呀，誤會啦，誤會啦～(○´∀｀)ﾉ

自從大迴音卡拉OK撤出香港，
每次日文歌癮發作，
只能逃到「加州」唱舊歌。
唱極都係TRF呀，SPEED呀咁，
點點下，都冇晒mood啦……。

幸好，香港還有起碼2間，
由日本人開設的卡拉OK BOX。
今次去的，是收費較為大眾化的Music Box KARAOKE。
店裏全部房間，均設有BB cyber DAM日本通信卡拉OK系統，
每月更新日本最新流行曲，
真係唔怕冇新歌，至怕你跟唔切！


唱日文K，至緊要找來深諳J-Pop的三五知己。
費事悶親自己，悶親人嘛。


這就是通信卡拉OK機BB cyber DAM，型號DAM-G100。
所有BB cyber DAM機種都對應寬頻更新，
比舊式機種更新更快，下載量更大。
所以，附設此機之卡拉OK Box，
會有特別多原曲伴唱音樂（日文稱為：生音演奏），
以及原裝歌手的MV欣賞！


在香港卡拉OK，次次對住電腦螢光幕選歌，remote一定射唔中。
來到日本卡啦OK，remote與螢光幕合二為一，
輕輕一觸，歌名一目瞭然，
更可以跟朋友一齊點歌，唔駛爭。


歌星選曲、歌名選曲、合唱歌，懷舊歌……
選曲方式，似乎跟香港卡拉OK無異。
最緊要有「本人映像」，一按即顯示原裝MV選單。
想點靚MV，毋須估估下！


唱日文歌唱到悶？唔怕，
依然有中文歌俾你揀。不過，千萬別寄望有新歌試唱。
話說，2010年2月份最新曲目，都係去到陳奕迅《白玫瑰》……
咁，你明架啦？


遙控被獨食精長期霸佔？
放心，仍可使用傳統的編號點歌系統。
只要從這本厚過黃頁，詳列10多萬首歌曲的編號冊中，揀岩飲歌……


將相應的6位數字編號，輸入遙控……


再按傳送，搞掂！


想齋唱新歌？亦得！
店裏備有薄版歌曲編號冊，收錄近3個月最新歌曲名單，
手腕即時減壓，舒服晒～

說了大半天，
到底日語卡啦OK Box，有甚麼新歌？
咳咳……
PEGGY先生，新歌試唱～～（廣告腔）


先有，山下智久《LOVELESS》～～


再來，赤西仁 in LANDS《BANDAGE》～


當然，還有我最愛的Perfume，
《Polyrhythm》啦！！！！（這其實是舊歌啦……）


同學們，今年要不要來這裏，
幫你們的好老師，慶祝生日？(￣▼￣*)＜超級厚面皮

‧是日單語‧
カラオケ（KARAOKE）：卡啦OK原是60年代誕生的音樂業界用語。
由於當時節目經費有限，不可能每次也邀請樂隊演奏，故此也會使用預先錄好的伴奏音樂，伴著歌手唱歌；
カラオケ意思指「沒有（KARA=日語中的「空」）樂隊（OKE=Orchestra之簡稱）伴奏」，
一句講晒，即是「MMO」（Music Minus One，沒有主唱部份的伴唱音樂）。
時至今日，日本業界仍以「カラオケ」，作為「MMO」的代名詞喔。